कोशीको मुख्यमन्त्रीमा केदार कार्की नियुक्त

कोशीको मुख्यमन्त्रीमा केदार कार्की नियुक्त भएका छन् 

• कहिले ? : २०८० आश्विन २७ 
• संविधानको धारा १६८ को उपधारा (५) बमोजिम कार्की मुख्यमन्त्री नियुक्त भएका हुन् 
• राजनीतिक दल : नेपाली कांग्रेस 
• उनि कोशी प्रदेशको आठौं मुख्यमन्त्री बनेका हुन् ।
  

पृष्ठभूमि : 

• दोस्रो प्रदेशसभाको साढे नौ महिने कार्यकालमा कार्की ५ औं मुख्यमन्त्री नियुक्त भएका हुन् ।
• यो अवधिमा हिक्मत कार्की र उद्धव थापा २/२ पटक मुख्यमन्त्री भइसकेका हुन् ।
• सर्वोच्च अदालतको परमादेशले संविधानको धारा १६८ को उपधारा (३) बमोजिम मुख्यमन्त्री भएका एमाले नेता हिक्मत कार्कीले विश्वासको मत प्राप्त गर्न नसक्ने भएपछि असोज २० मा मुख्यमन्त्रीबाट राजीनामा दिएका थिए ।
• उनले राजीनामा दिएपछि प्रदेश प्रमुख खापुङले संविधानको धारा १६८ को उपधारा (५) अनुसार सरकार गठनका लागि आह्वान गरेका थिए ।
• त्यसपछि कांग्रेसबाट विद्रोह गरेका ८ र एमालेका ३९ प्रदेश सांसदको समर्थनमा कार्की र गठबन्धन दलको सिफारिसमा माओवादी केन्द्रका इन्द्रबहादुर आङ्बोले शुक्रबार मुख्यमन्त्रीका लागि आ–आफ्ना दाबी पेस गरेका थिए ।